بوعزيزي

بوعزيزي

بوعزيزي , الثورة التونسية ,محمد بوعزيزي,الربيع العربي

قصيدة بوعزيزي

من علبة الكبريت خذت حقوقي

ويشوفها الغافل مجرد علبة

إن مت متأثر ببعض حروقي

أنقذت كم واحد لا يحرق قلبه

حر وولد حر وقطعت سبوقي

حريتي شيء محال سلبه

كتبت لبلادي بدم عروقي

يكفي ضياع آني طلبتش طلبة

وانا أحدي للقافلة طاروقي

تِركي مساريها على أرض صلبة

كلبٍ نبح قلت الخلا ياللوقي

يا جعل أبيه النار من هو كلبه

تصرخ على قدر الألم وتقوقي

وتصيح وتهدد وتحدث جلبة

قلت شبلاك تصيح وانت الفوقي

قال البلا إني خايف من القلبة

لا صار خصمي كلب ولا سوقي

بنزل على هوني واخلي الحلبة

أنا طموحي فوق وأقصى شوقي

إنا نحارب خوفنا ونغلبه

روحي هي المفتاح في صندوقي

ولا الجسد ما أهتم وش يفعل به

عبدالله السالم
عبدالله السالم
شاعر ناقد مدون من قطر

اترك لي أثرك