برد تحت العظام وليلة ماطرة
يالله اني دخيلك من تعب باكري
ايه وش كنت اقول؟ اعطيك من آخره
عادها وان بغيت الصدق في خاطري
ما بقى الا قصيدي وانت متكاثره
طيب.. يصير اضم السرد للسامري؟
خذ حكاية.. تحب القصة السافرة ؟
ايه اكيد انت ما تستحمل الشاعري
قبل يومين مرت غيمة ساخرة
قالت يصير احب شوي؟ قلت: آمري
تسبقين المدى وتجين يا فاجرة
ما قريتي تفاصيل اولي واخري
وغرزت رمحها المسموم في الخاصرة
قلت: يكفي، وقالت: ليه يا شاعري؟
قلت بدري عليك آكون يا شاطرة
حدك انفاس ليلة طيش وتغادري
شي من بعض حمى الليل في الحاضرة
صادف اعيش ” فسق أعراب ” في حاضري
ليش تضحك؟ مجرد نزوة عابرة
قد لي ابيع في سوق الهوى واشري
وكثر ما اسرفت في قلبي ولا اشاوره
ما تعلمت ازيح الرعب عن ناظري
كلما جيت اغمض صفرت صافرة
وراح ليلي يصالح باطني ظاهري
والمفاهيم مدري كيفها صايرة
يمكن انه تناقض، مادري مادري
جارك الله من تفعيلة ماكرة
شافعية فروع وشيخها ظاهري
تدري اني استحيت آكمل الخاطرة؟
عادها وان بغيت الصدق في خاطري
القصة السافرة
15/5/2005
طبربور
