مراح القطا

يا فهد راحوا مراح القطا

يا فهد راحوا ، إذا تسمع مراح القطا

خلاص، والباقي اللي تعرفه تعرفه

أفتش الذاكرة يمكن لحقهم خطا

وارجع وادين القلوب البيض والمرهفة

باموت، عقب السنين المغدقة بالعطا

يا فهد راحوا
كذا
من دون تنبس شفة

واحاول اتجاهل الأزمة واحث البدايل
واكتب عن الدين والقانون والأوزون واسعار الذهب
واخاطب الجمهور بأنواع اللغط
وترجع حروفي رسايل

يا فهد راحوا
هنا بيت القصيد المنهدم فوقي
واذا راحوا تأكد يا فهد
كل الكلام المفتعل كذبة
وكل إشارات الكلام الفتعل
تعطي دلايل

إن هالانسان – انا –
ضايع ومستوحش وعنده نقص مزمن
وانطلاقاته ولو تبدو وسيعة
كلها من زاوية ما تاسع إلا خطوتين :

 الأولة : راحوا من دون ما تنبس شفة
والثانية : فقر الحروف المترفة
اذا استحالت رغم زخرفها رسايل

23/4/2004
طبربور

عبدالله السالم
عبدالله السالم
شاعر ناقد مدون من قطر

اترك لي أثرك